کابل (مانیٹرنگ ڈیسک) افغان وزارت خارجہ نے پاکستانی سفیر سید ابرار حسین شاہ کو طلب کرکے طورخم بارڈر پر فائرنگ اور کشیدہ صورت حال پر شدید احتجاج کیا اور الزام عائد کیا کہ پاکستان کے گیٹ تعمیرکے معاملے پر دونوں ممالک میں ہونے والے معاہدے کی خلاف ورزی کی ہے ۔ افغان میڈیا رپورٹ کے مطابق منگل کے روز افغانستان میں تعینات پاکستانی سفیر ابرار حسین شاہ کو افغان وزارت خارجہ نے طورخم بارڈر پر فائرنگ کے تبادلے کے بعد پیدا ہونے والی کشیدہ صورت حال پر طلب کر کے شدید احتجاج ریکارڈ کروایا گیا بھا رت کے زیر سا یہ افغان وزارت خارجہ نے پاکستان پر الزام بھی عائد کیا کہ پاکستان نے طورخم بارڈر پر گیٹ تعمیر کرنے کے معاملے پربا ر ڈر مینجمنٹ کے معاہدے کی خلاف ورزی کی ہے افغانستان معاہدے کی خلاف ورزی کو برداشت نہیں کرے گا ۔ ادھر پاک فوج کے شعبہ تعلقات عامہ ( آئی ایس پی آر ) کے مطابق پاکستان کے طورخم بارڈر پر زیر تعمیر گیٹ پاکستانی سرحدی حدود کے 37 میٹر اندر ہے یہ گیٹ دہشت گردوں کی نقل و حرکت روکنے کے لئے ضروری ہے افغان فورسز نے طورخم پر پاکستانی حدود میں بلااشتعال فائرنگ کی تھی ۔