اسلام آباد (نیوز ڈیسک)حکومت نے پیٹرولیم مصنوعات کی قیمتوں میں معمولی کمی کرتے ہوئے پیٹرول اور ڈیزل کے نئے نرخ مقرر کردیئے ہیں۔

پیٹرولیم ڈویژن کی جانب سے 29 اگست سے 31 اگست تک کے لیے پیٹرولیم مصنوعات کی قیمتوں کا نیا نوٹیفکیشن جاری کردیا گیا ہے۔جاری کردہ نوٹیفکیشن کے مطابق پیٹرول کی فی لیٹر قیمت میں 58 پیسے کمی کی گئی ہے، جس کے بعد اس کی نئی قیمت 342 روپے 2 پیسے فی لیٹر مقرر ہوگئی ہے۔

دوسری جانب ہائی اسپیڈ ڈیزل بھی 17 پیسے فی لیٹر سستا کردیا گیا ہے۔ کمی کے بعد ڈیزل کی نئی قیمت 371 روپے 44 پیسے فی لیٹر مقرر کی گئی ہے۔حکومت کی جانب سے پیٹرولیم مصنوعات کی قیمتوں میں یہ معمولی کمی 29 اگست سے 31 اگست تک نافذ العمل رہے گی۔