کراچی(این این آئی)ایم کیو ایم کا نیٹ ورک،رئیس مما،منظور لمبا،نائن زیروکے سیکیورٹی انچارج کے حیرت انگیز انکشافات نے کھلبلی مچادی،کراچی پولیس کی تحویل میں تفتیش کے دوران ایم کیو ایم کے مرکز نائن زیروکے سیکورٹی انچارج منہاج قاضی کے مزید انکشافات سامنے آئے ہیں۔منہاج قاضی کے مطابق ایم کیو ایم نے کراچی میں چائنہ کٹنگ کی ٹیمیں بنا رکھی تھیں ،لندن سے محمد انور اور چنو ماموں ان ٹیموں پر نظر رکھتے تھے۔کراچی میں حماد صدیقی ، شکیل عمر ، وسیم آفتاب اور نیک محمد نگران تھے۔منہاج قاضی کے مطابق لانڈھی میں سابق سیکٹر انچارچ منظور لمبا، کورنگی میں رئیس مما سرغنہ تھے۔سرجانی میں اسلام فوجی ، سعید بھرم اور غفار کی زمہ داری تھی ۔ گلشن معمار میں محمد انور کا بھانجہ شرجیل اور نعیم شمشاد ماسٹر تھے۔گلستان جوہر میں گل حسن زیدی ،عباس جعفری نگرانی کرتے تھے ۔ گلشن اقبال میں جمال احمد اور نارتھ کراچی میں الیاس سہگل اہم لوگ تھے جبکہ نارتھ ناظم آباد میں ایم این اے شمیم صدیقی ، سیکٹر انچارچ طاھر ملا اور ریحان سربراہ تھے۔ملیر میں ایم این اے ساجد احمد، ایم پی اے اشفاق منگی اور سرفرازعرف نور تھے۔ شاہ فیصل میں ایم پی اے نشاط ضیا اور فاروق ستار کا ڈرائیور کا کام ان ٹیموں کی نگرانی کرنے کا تھا۔محمود آباد اور بہادر آباد میں فرید چچا اور سعید بھرم نگرانی کرتے تھے جبکہ ہاکس بے مضافاتی کمیٹی کا سربراہ گٹر باغیچہ میں پاک کالونی سیکٹر انچارچ اور حیدآباد میں کنور نوید خالد کا پارٹنر اور زونل انچارچ شریف چائینہ کٹنگ کراتے تھے۔