اسلام آباد (آئی این پی) مسلم لیگ (ن) کے رہنماءو رکن قومی اسمبلی طلال چوہدری نے کہا ہے کہ پانامہ لیکس پر صورتحال یکسر تبدیل ہو چکی ہے، پانامہ معاملے پر الزام لگانے والے خود مجرم بن چکے ہیں،نئے ٹی او آرز میں تحقیقات کےلئے وزیراعظم کا نام نہیں ہو گا۔ وہ پیر کو یہاں میڈیا سے گفتگو کر رہے تھے۔ انہوں نے کہا کہ سپریم کورٹ نے واضح کہا ہے کہ ان کے نام بھیجے جائیں جن کے نام پانامہ اسکینڈل میں ہیں، پانامہ آف شور کمپنی میں وزیراعظم نواز شریف کا نام نہیں ہے، نئے ٹی او آرز میں تحقیقات کےلئے وزیراعظم کا نام نہیں ہو گا، ٹی او آرز بنانے پر اپوزیشن کو آن بورڈ ضرور لیں گے، سپریم کورٹ کی گائیڈ لائن کے مطابق ٹی او آرز بنیں گے۔ طلال چوہدری نے کہا کہ پانامہ لیکس پر صورتحال یکسر تبدیل ہو چکی ہے، پانامہ معاملے پر الزام لگانے والے خود مجرم بن چکے ہیں۔