پشاور (این این آئی)خیبر پختونخوا حکومت نے پشاور میں انٹرنیشنل ڈرائیونگ لائسنس کے اجراء کا فیصلہ کیا ہے اوراس ضمن میں ٹریفک پولیس کی سفارشات کی روشنی میں تیاریاں آخری مراحل میں داخل ہوگئی ہیں ،انٹرنیشنل ڈرائیونگ لائسنس کی مدت معیاد ایک سال ہو گی۔ بتایا گیا کہ ٹریفک پولیس کی جانب سے سفارشات کی روشنی میں خیبر پختونخوا حکومت نے پشاور میں انٹرنیشنل ڈرائیونگ لائسنس کے اجراء کا فیصلہ کیا ہے جس کیلئے تیاریاں مکمل کر لی گئی ہیں ٗ سمری منظوری کیلئے آئی جی پی کو ارسال کر دی گئی ہے مذکورہ لائسنس کی مدت معیار ایک سال ہو گئی اور اس کیلئے صوبائی ڈرائیونگ لائسنس کا ہونا لازمی ہو گا۔ اس ضمن میں ایس ایس پی ٹریفک صادق بلوچ کا کہنا تھا کہ انٹرنیشنل ڈرائیونگ لائسنس کیلئے پاسپورٹ ‘شناختی کارڈ اور پہلے سے صوبائی ڈرائیونگ لائسنس کا ہونا ضروری ہو گا منظوری کے بعد باضابطہ طورپر اجراء کا آغاز کر دیا جائیگا۔