بارباڈوس(این این آئی)ویسٹ انڈیز سے تعلق رکھنے والے معروف کرکٹ کمنٹیٹراور صحافی ٹونی کوزیر علالت کے باعث 75 سال کی عمر میں انتقال کرگئے۔1985 میں کرکٹ کے بارے میں لکھنے کا آغاز کرنے والے ٹونی کوزیر نے کرکٹ کھیلے بغیر دنیا میں کھیل کے حوالے سے بڑا نام کمایا اور کرکٹ کی توانا آواز بنے۔کرکٹ ویب سائٹ کرک انفو کی رپورٹ کے مطابق انھوں نے اپنا آخری کالم اسی ویب سائٹ کو یکم مئی کو تحریر کیا تھا۔ٹونی کوزیر کو 3 مئی کو ہسپتال منتقل کیا گیا تھا جہاں ان کی گردن اور ٹانگوں پر انفیکشن تشخیص ہوا تھا اور 75 سال کی عمر میں اپنے آبائی شہر بارباڈوس میں انتقال کرگئے۔آئی سی سی کی جانب سے ٹویٹر پر ان کی وفات پر گہرے دکھ کا اظہار کیا گیا اور پیغام میں کہا گیا کہ ٹونی کوزیر کی وفات کی خبر گہرا دکھ ہے ¾وہ حقیقی معنوں میں کرکٹ کی عظیم آواز تھے ¾ان کا انتقال کرکٹ کمیونٹی کےلئے بڑا نقصان ہے۔کرکٹ کے صحافی کے بیٹے کوزیر نے 1965 میں آسٹریلیا کرکٹ ٹیم کے ویسٹ انڈیز کے دورے سے کمنڑی کا آغاز کیا اور گزشتہ پانچ دہائیوں کے دوران انھوں نے خود کو اس میدان میں منوایا۔کوزیر نے ٹیلی ویژن کے علاوہ ریڈیو کےلئے بھی رواں تبصرہ کیا انھوں نے کتابوں کے علاوہ مختلف اخبارات، میگزین اور انٹرنیٹ پر کئی کالم بھی تحریر کئے ¾انھیں 2011 میں کرکٹ کے لیے خدمات کے اعتراف میں میری لیبون کرکٹ کلب (ایم سی سی) کی تاحیات رکنیت سے نوازا گیا تھا۔ایک اندازے کے مطابق ٹونی کوزیر کا شمار ان سرفہرست لوگوں میں ہوتا تھا جنھوں نے دنیا میں کہیں بھی سب سے زیادہ ٹیسٹ میچ دیکھے ۔موقر میگزین وزڈن کی 2003 کی ایک رپورٹ کے مطابق انھوں نے اس وقت تک 40 سالوں میں 266 ٹیسٹ میچوں کو براہ راست دیکھا تھا۔