اسلام آباد(نیو زڈیسک ) پاکستان تحریک انصاف کے ترجمان نعیم الحق نے کہا ہے کہ وزیرا عظم اقتدار کی کشتی کو بچانے کی کوشش کر رہے ہیں ۔وزیر اعظم کے خطاب پر رد عمل دیتے ہوئے نعیم الحق نے کہاکہ نواز شریف کو اچانک بنوں کا خیال آگیا تاہم وہ پانا ما لیکس پر جواب کیوں نہیں دے رہے ۔انہوں نے کہا کہ وزیر اعظم کی تقریر اصل ایشوز سے توجہ ہٹانے کی کوشش ہے تاہم پی ٹی آئی پانا مالیکس کو دبانے کی کوشش ناکام بنا دے گی۔اس سے قبل ٹوئٹ کے ایک پیغام میں پاکستان تحریک انصاف کے چیئرمین عمران خان نے بنوں میں وزیراعظم کے جلسہ کے موقع پر سکولوں کو بند کرنے کی مذمت کرتے ہوئے کہا تھا کہ وی آئی پیز کی آمد پر سکولوں کو بند کرانابند ترین عمل ہے ٗ صوبائی حکومت سلسلہ بند کرے۔سماجی رابطہ کی ویب سائٹ ٹوئیٹر پر جاری کردہ اپنے بیان میں انہوں نے کہا وی آئی پیز کی آمد پر تعلیمی اداروں کی بندش سے تعلیمی ادارے انحطاط پذیر ہوتے ہیں ۔انہوں نے کہا کہ میں کے پی کے حکومت سے کہتا ہوں کہ وہ اس ضمن میں فوری اقدامات کریں ٗخیال رہے کہ بنوں میں وزیراعظم نواز شریف ایک جلسہ سے خطاب کرنے کیلئے آئے تو اس موقع پر تمام تعلیمی اداروں کو بند رکھا گیا۔