لاہور ( نیوز ڈیسک) پاکستان ہاکی فیڈریشن نے انسانی اسمگلنگ کے شبہ میں ہاکی کی خاتون کھلاڑی نیلما حسین کو بلیک لسٹ کر تے ہوئے تمام کھلاڑیوں کو ہدایت کی ہے کہ وہ نیلما حسین کے جھانسے میں نہ آئیں اور اس سے قطع تعلق کر لیں۔ نجی ٹی وی نے ذرائع کے حوالے سے بتایا ہے کہ ہاکی کی خاتون کھلاڑی نیلما حسین اور اس کے شوہر عامر پر شبہ ہے کہ وہ پاکستان سے ہاکی کے کھلاڑیوں کو ٹورنامنٹ کھلانے کے لئے بیرون ممالک لیجاتے ہیں اور ٹورنامنٹ کے بعد پوری ٹیم واپس نہیں آتی ۔ ۔ پاکستان ہاکی فیڈریشن کی طرف سے کھلاڑیوں کو ہدایت کی گئی ہے کہ وہ نیلما حسین کے جھانسے میں نہ آئیں اور ان سے قطع تعلق کر لیں ۔ ذرائع کے مطابق نیلما حسین ان دنوں واپڈا کی خواتین ٹیم میں شامل ہیں۔