اسلام آباد(نیوز ڈیسک )پاکستان تحریک انصاف کے مرکزی سیکرٹری اطلاعات نعیم الحق نے کہا ہے کہ اس وقت پاکستان سنگین حالات سے گزر کررہا ہے ، پارلیمنٹ میں موجود تمام پارٹیاں نواز شریف سے جواب چاہتی ہیں ، عمران خان اور جہانگیر خان پر جھوٹے الزامات لگا کر سرکاری وسائل کا استعمال ہمارے خلاف کیا جارہا ہے ۔ پریس کانفرنس سے خطاب کرتے ہوئے ترجمان تحریک انصاف کا کہنا تھا کہ (ن) لیگ نے اب تمام اپوزیشن جماعتوں کو چھوڑ کر عمران خان اور تحریک انصاف کو نشانہ بنانا شروع کردیا ہے وزارت اطلاعات سے جاری ہونے والے اشتہار میں نواز شریف کی ذات کیلئے عمران خان کو نشانہ بنایا ہمیں بتایا جائے کہ اس اشتہار پر کتنے پیسے خرچ ہوئے اور وزیراعظم نواز شریف اس اشتہار کی رقم اپنی جیب سے ادا کریں ۔ مریم نواز کے اثاثے چھپانے پر کیپٹن صفدر کی نااہلی کیلئے درخواست دائر کررہے ہیں جہاں الزامات کا جواب دینے کی بجائے الٹا الزامات لگائے جارہے ہیں یہ چاہتے ہیں کہ ان کے ساتھ دو تین سو اور لوگ بھی ڈوبیں ٹی وی پر دھمکیوں کی بجائے نیب اور ایف آئی اے سے کارروائی کروائیں دو مئی کو تمام پارٹیاں اکٹھی ہورہی ہیں مریم نواز قوم کی بیٹی ہے جھوٹے الزامات پر کیچڑ اچھالنے سے گریز کرے حکومت روزانہ چھ ارب روپے کا قرضہ لے رہی ہے اس دور حکومت میں باون لاکھ لوگ بے روزگار ہوچکے ہیں ۔ سوال یہ ہے کہ وزیراعظم کے بیٹوں کے پاس پیسہ کہاں سے آیا ٹی او آرز اگر تبدیل نہیں ہونگے تو بات آگے کیسے بڑے گی اس طرح سے نقصان حکومت کا ہی ہوگا وزیراعظم اگر چاہیں تو تمام سوالوں کے جوابات آدھے گھنٹے میں دے سکتے ہیں اگر وزیراعظم صاف ہیں تو قوم کے سامنے خود کو احتساب کیلئے پیش کریں اور قوم کو جواب دیں اگر نواز شریف استعفیٰ دے دیں تو عمران خان وزیراعظم نہیں بن جائینگے ہم احتساب چاہتے ہیں۔