لاہور(نیو زڈیسک )پاکستان کرکٹ بورڈ نے مدثر نذر سے نیشنل کرکٹ اکیڈمی کے سربراہ کیلئے معاملات طے کرنے کے بعد اشتہار جاری کردیا ۔پاکستان کرکٹ بورڈ کے سربراہ شہر یار خان اور مدثر نذر کے درمیان نیشنل کرکٹ اکیڈمی کے سربراہ کے لئے دبئی میں ہونے والی ملاقات میں تمام معاملات طے پا چکے ہیں تاہم پی سی بی نے ’’شفافیت ‘‘ کو یقینی بنانے کے لئے گزشتہ روز کے اخبار میں اشتہار جاری کر دیا ہے جس میں ڈائریکٹر کے عہدے کیلئے خواہشمند امیدواروں سے درخواستیں طلب کرتے ہوئے بیچلر ڈگری اور متعلقہ شعبے میں پانچ سالہ تجربہ معیار مقرر کیا گیا ہے ۔درخواست جمع کرانے کی آخری تاریخ 13مئی مقرر ہے۔