لاہور(ڈ نیوز ڈیسک) قومی ٹیم کے سابق اوپننگ بلے باز مدثر نذر اور سابق فاسٹ باؤلر عاقب جاوید لاہور قلندرز کی ٹیم مینجمنٹ میں شامل ہوگئے ہیں ۔میڈیا سے گفتگو کرتے ہوئے لاہور قلندرز کے مالک رانا فواد کا کہنا تھا کہ انہیں بے حد خوشی ہے کہ عاقب جاوید اپنی تمام آسائشیں چھوڑ کر ملک کی خدمت کرنے کے لیے واپس آئے ہیں اور انہیں امید ہے کہ عاقب کی زیر نگرانی لاہور کی ٹیم پاکستان کو عمدہ کھلاڑی مہیا کرے گی۔ ان کا مزید کہنا تھا کہ عاقب جاوید لاہور قلندرز کے ساتھ بطور ڈائریکٹر کرکٹ آپریشنز کام کریں گے جب کہ مدثر نذر ٹیم کے ساتھ بطور چیف ایڈوائزر اپنی خدمات سرانجام دیں گے ۔