لاہور(نیوزڈیسک) پاکستان کرکٹ بورڈ(پی سی بی)نے قومی کرکٹ ٹیم میں ڈسپلن کی خلاف ورزی کرنے والے کرکٹرز کے خلاف کارروائی کا اختیار سلیکشن کمیٹی کو دیدیا، چیف سلیکٹر انضمام الحق نے ڈسپلن کی خلاف ورزی کرنے والے کرکٹرز کے خلاف ٹیم انتطامیہ سے رپورٹ طلب کرلی۔پیر کو پی سی بی ذرائع کے مطابق کرکٹ بورڈ نے قومی کرکٹ ٹیم میں ڈسپلن کی خلاف ورزی کرنے والے کرکٹرز کے خلاف کارروائی کا اختیار سلیکشن کمیٹی کو دیدیا،ذرائع کے مطابق قومی کرکٹ ٹیم کے چیف سلیکٹر انضمام الحق نے ٹی ٹونٹی ورلڈ کپ کے دوران ڈسپلن کی خلاف ورزی کرنے والے کرکٹرز عمر اکمل،احمد شہزاد،شعیب ملک اور شاہد خان آفریدی کے حوالے سے ٹیم مینجمنٹ سے رپورٹ طلب کرلی ہے۔