لاہور(نیوزڈیسک) سرکاری گاڑیوں پر مزے کرنے والوں کی شامت آگئی،نئے فیصلے نے کھلبلی مچادی،کمپیوٹرائزڈ نمبر پلیٹ کے بغیر چلنے والی گاڑی بند مالکان کے خلاف خصوصی ایکٹ کے تحت مقدمے ،محکمہ ایکسائز نے دہشت گردی کی روک تھام کے لیے خصوصی مہم چلانے کا آغاز کر دیا ۔تفصیلات کے مطابق ڈی جی ایکسائزاکرم اشرف گوندل نے پنجاب میں دھشت گردی کی روک تھام کے لیے فیصلہ کیا ہے کہ بغیر کمپیوٹرائز ڈ نمبر پلیٹ گاڑی ہو یا موٹر سائیکل اسے فوری طور پر بند کیا جائے گا جبکہ گاڑی کے مالک کے خلاف خصوصی ایکٹ کے تحت مقدمہ قائم کیا جائے گا جبکہ 127000موٹرسائیکل مالکان کی کمپیوٹر نمبر پلیٹیں تیار پڑی ہیں جنھیں اگر چند روز میں مالکان ریسو نہ کرنے آئے تو ان کے خلاف بھی کاروائی ہو سکتی ہے ۔اسی طرح پرانی سیریز کی گاڑیوں کو بھی 170000نئی نمبر پلیٹیں جاری کی جائیں گی تاکہ شہر میں چلنے والی کوئی بھی گاڑی ایسی نہ ہو جس پر کمپیوٹرائز ڈ نمبر پلیٹ آویزاں نہ ہو اسی طرح نئی گاڑیوں کی بھی پندرہ ہزار نمبر پلیٹیں وصول نہیں کی گئی جنھیں متعلقہ ایڈریس بھی بھیجا گیا جہاں و ہ ریسو نہ ہو سکی نئی جاری ہونے والی کمپیوٹرائزڈ نمبر پلیٹ پر ایسی چپ لگائی جائے گی جو پنجاب بھر کے انٹری پوائنٹس پر چیک ہونگی جہاں سکینگ کے ذریعے گاڑی کا تما م متعلقہ ڈیٹا فوری طور پر نمایاں ہو جائے گا ۔امید کی جاتی ہے کہ اس طرح کی جدت سے دہشتگردی کی روک تھام میں کافی مد د ملے گی کیونکہ جب سڑکوں پر چلنے والی ہر گاڑی کو باآسانی چیک کیا جا سکے گا تو پھر ایسا ممکن دکھائی نہیں دیتا کہ شہر میں کوئی گاڑی ایسی ہو جس پر شک گزرنے پر اسے فوری طور پر ٹریس نہ کیا جا سکے ۔