اسلام آباد (نیوز ڈیسک) اسلام آباد کے ایف نائن پارک میں پی ٹی آئی کا جلسہ اتوار کو ہوگا جس کیلئے سیکیورٹی انتظامات کو حتمی شکل دے دی گئی ہے۔ جلسہ گاہ سمیت شہر بھر میں 5ہزار سیکیورٹی اہلکار تعینات کئے گئے ہیں ٗضابطہ اخلاق کے مطابق جلسہ گاہ کی اندورنی سیکیورٹی پی ٹی آئی کے رضاکاروں کے سپرد کی گئی ہے۔ جلسہ کے داخلی راستوں پر 25واک تھرو گیٹ بھی لگائے ہیں۔پاکستان تحریک انصاف کے 20ویں یوم تاسیس کے حوالے سے جلسے کیلئے اسلام آباد پولیس، رینجرز اور ایف سی کے 5ہزار اہلکار ڈیوٹی مپر مامور کئے گئے ہیں ٗ ریڈ زون کو سیل کر کے دو روز کے لئے بند کر دیا گیا ٗ شہر کے مختلف داخلی اور خارجی راستوں پر پولیس کے اضافی ناکے لگائے گئے ہیں اور جلسے میں شرکت کیلئے آنے والوں کی تلاشی کو لازمی قرار دیا گیا ٗ حساس مقامات اورعمارتوں کی سیکیورٹی فوج کے حوالے کی گئی۔سیکیورٹی پلان کے تحت جلسہ گاہ میں شرکت کرنے والوں کی تلاشی کے لئے 300 سے زائد پی ٹی آئی کے رضاکار تعینات ہیں ٗ خواتین کے بیٹھنے کا الگ بندوبست کیا گیا ٗ شہر میں ٹریفک کو رواں دواں رکھنے کے لئے 300 سے زائد ٹریفک پولیس اہلکار مختلف مقامات پر تعینات ہیں۔ جلسہ گاہ میں 25واک تھرو گیٹ نصب کئے گئے جبکہ میڈیا اور وی وی آئی پیز کیلئے الگ راستے مختص کئے گئے ہیں ٗپولیس کے مطابق اس مرتبہ دیگر شہروں سے اضافی نفری نہیں منگوائی گئی کیونکہ پی ٹی آئی جلسہ منتظمین نے پرامن رہنے کی مکمل یقین دہانی کروائی ٗ ضلعی انتظامیہ کا کہنا ہے کہ 42 شرائط پر مشتمل ضابطہ اخلاق کی خلاف ورزی کی صورت میں جلسے کے لئے جاری این او سی منسوخ کر دیا جائے گا