اسلام آباد (ویب ڈیسک) الیکشن کمیشن آف پاکستان نے اراکین سینٹ کی مالی سال 2014-15 ءکے گوشواروں کی تفصیلات جاری کردی ہیں جس کے مطابق سینیٹر اعتزاز احسن ایک ارب 88 کروڑ سے زائد کے اثاثے‘ دوسرے نمبر پر سینیٹر اعظم سواتی 83 کروڑ 42 لاکھ ‘ تیسرے نمبر پر وفاقی وزیر سینیٹر اسحاق 2 کروڑ 77 لاکھ روپے کا اثاثوں سے سرفہرست رہے۔ گزشتہ روز الیکشن کمیشن کی جانب سے جاری کردہ اراکین سینیٹ کے گوشواروں کی تفصیلات کے مطابق پی پی پی کے رہنماءاعتزاز احسن نے ایک ارب 88 کروڑ روپے سے زائد کے اثاثے ظاہر کئے۔ سینیٹر اسحاق ڈار 2 کروڑ 77 لاکھ روپے کی چار گاڑیاں رکھتے ہیں سال 2015 ءمیں انہوں نے 35 لاکھ ٹیکس ادا کیے جبکہ ان کی بیرون ملک نہ کوئی جائیداد اور نہ کاروبار ہے۔ اسحاق ڈار نے ایک بار پھر اپنے بیٹے سے 11 کروڑ روپے کے قرض حسنہ لیا۔ سینیٹر رحمن ملک 33 کروڑ روپے کے بیرونی ملک جائیداد ہے۔ ان کی ایک بی ایم ڈبلیو گاری بھی ہے تاہم ٹیکس ادائیگی کا کوئی ذکر نہیں کیا گیا۔ سینیٹر بابر اعوان کے اثاثوں کی مالیت 29 کروڑ 58 لاکھ روپے سے زائد ہے ‘ سینیٹر طلحہ محمود 21 کروڑ ‘ سینیٹ چیئرمین میاں رضا ربانی کے اثاثوں کی مالیت 8 کرور 94 لاکھ ‘ سینیٹر مشاہد حسین سید 5 کروڑ ‘ جبکہ سینیٹر پرویز رشید نے صرف اور صرف تیرہ لاکھ مالیت کے اثا ثے اہر کیے جو کہ تمام سینیٹر ز میں غریب ترین ہیں۔