لاہور(نیوز ڈیسک )پاکستانی کرکٹ کا بڑا نام مستعفی, پاکستان کے سابق فاسٹ بولر عاقب جاوید متحدہ عرب امارات کے ہیڈ کوچ کے عہدے سے مستعفی ہو کر لاہور قلندر کی ٹیم سے وابستہ ہوگئے ہیں، فاسٹ باؤلر نے ٹیم کی کوچنگ میں بھی دلچسپی ظاہر کی ہے جبکہ ٹیم کی کوچنگ کیلئے غیر ملکی کوچز نے بھی گہری دلچسپی ظاہر کرتے ہوئے درخواستیں پاکستان کرکٹ بورڈ کو جمع کروادی ہیں اب تک پانچ غیر ملکی کوچز کی درخواستیں پی سی بی کو موصول ہوچکی ہیں ۔ تفصیلات کے مطابق سابق کرکٹر عاقب جاوید کا کہنا تھا کہ انٹرنیشنل ٹیموں کی کوچنگ کرنے میں وہ لطف نہیں رہا جو ابتدا کے دنوں میں ہوتا تھا۔ پچھلے کئی سالوں سے ایک ہی کام کر رہاہوں لیکن اب کچھ نیا کرنا چاہتا تھا جس کی وجہ سے پاکستان سپر لیگ کی فرنچائز لاہور قلندرز کے ڈائریکٹر کرکٹ کے طور پر معاہدہ کیا ہے جس کا باقاعدہ اعلان دو سے تین روز میں پریس کانفرنس کے ذریعے کروں گا۔ انہوں نے کہا کہ لیگ کا سسٹم بالکل الگ ہوتا ہے جو کہ پرائیویٹ سیکٹر کے سپرد ہوتا ہے جس کی وجہ سے ٹیموں میں سیاست نہیں ہوتی اور لوگ اپنی ٹیم کو آگے جاتا دیکھنا چاہتے ہیں۔ مجھے پی ایس ایل کے علاوہ بنگلہ دیشی لیگ، کیریبیئن لیگ اور دیگر ملکوں کی لیگز کی طرف سے کافی آفرز آئیں تاہم میں نے پی ایس ایل کو ترجیح دی ہے۔ دوسری جانب عاقب جاوید قومی ٹیم کے ہیڈ کوچ کے عہدے میں بھی دلچسپی ظاہر کرچکے ہیں ان کے علاوہ غیر ملکی کوچز نے بھی قومی ٹیم کی کوچنگ میں گہری دلچسپی ظاہر کی ہے اب تک پانچ غیر ملکی کوچز کی درخواستیں پی سی بی کو موصول ہوچکی ہیں ان غیر ملکی کوچزمیں مکی آرتھر، اینڈی فلاور اور جمی سنڈرزنے پی سی بی میں درخواست جمع کرا دی ہے جبکہ پیٹر مورس اور سٹیورٹ لانے بھی کوچنگ کیلئے آمادگی ظاہر کر دی ہے۔ ۔