لاہور(نیوزڈیسک) سپاٹ فکسنگ میں سزا بھگتنے والے محمدعامراورسلمان بٹ کودورہ انگلینڈ کے لئے ٹیم میں شامل کئے جانے کی صورت میں ویزا مسائل پیش آسکتے ہیں۔دونو ں کرکٹرز کو سپاٹ فکسنگ میں ملوث ہونے پر پابندی اور قید کی سزا بھگتنا پڑی تھی ۔رپورٹس کے مطابق انگلینڈ کے خلاف سیریز کے لیے سلمان بٹ کی ٹیم میں واپسی متوقع ہے۔ اسپاٹ فکسنگ اسکینڈل میں سات ماہ جیل کاٹنے کے بعد سلمان بٹ کو اس شرط پر انگلینڈ سے ڈی پورٹ کیا گیا کہ وہ دس سال تک انگلینڈ نہیں آسکیں گے۔ سلمان بٹ کے ساتھ محمد عامر کو بھی ویزا مسائل کا سامنا ہوسکتا ہے۔ 2014ء میں بھی انگلینڈ نے انہیں ویزا دینے سے انکار کردیا تھا۔2013 میں تشدد اور زیادتی کے کیس میں ہیوی ویٹ چمپئن مائیک ٹائس کو بھی انگلینڈ نے ویزہ دینے سے انکار کردیا تھا۔