جدہ (نیوز ڈیسک) تیمر گرہ سے تعلق رکھنے والے 3 جگری دوست سعودی عرب میں ٹریفک کے المناک حادثہ میں جاں بحق ٗ ایک شدید زخمی ہوگیا، سعودی عرب میں محنت مزدوری کرنے والے چار دوست روز مین خان، فرید خان، عمران ساکنان مالاکنڈ پائین اور محمد زبیر سکنہ خونگی پائین پکنک منانے کیلئے اپنے موٹرکار میں سعودی عرب ریاض کے قصبہ شیویاجارہے تھے کہ راستے میں مخالف سمت سے آنے والی تیز رفتار لینڈ کروزر نے ان کی کار کو ٹکر ماردی جس سے کار میں آگ بھڑک اٹھی جس کے نتیجہ میں کار میں سوار تین دوست روزمین خان، فرید خان اور محمد زبیر موقع پر ہی جاں بحق ٗ چوتھا ساتھی عمران کان شدید زخمی ہوگیا حادثے میں تباہ شدہ کار کی ڈگی میں موجود پکنک میں ذبح کرنے کیلئے لے جایا جانے والا دنبہ معجزانہ طور پر محفوظ رہا۔ سعودی عرب ٹریفک حادثے میں جاں بحق ہونے والے روزمین خان سکنہ شاہ کو رونہ ملاکنڈ اور محمد زبیر سکنہ خونگی پائین کو پاکستان میں سپردخاک کردیا گیا ہے ٗجاں بحق نوجوان فرید خان کی میت سفری کاغذات مکمل ہونے کے باعث ریاض ہسپتال میں رکھ دی گئی