لاہور(نیوز ڈیسک) پی سی بی محمد حفیظ کو دوبارہ آل راؤنڈر بنانے کیلئے بے تاب ہے،لاہور میں بائیو مکینک لیب فعال بنانے کے بعد ماہرین بولنگ ایکشن کو قانونی حد میں لانے کیلئے کام کرینگے۔ایک سالہ پابندی کی مدت مکمل ہوتے ہی 8جولائی کو چنئی لیب میں ٹیسٹ کیلئے بھجوایا جائے گا۔ تفصیلات کے مطابق محمد حفیظ کا بولنگ ایکشن نومبر 2014 میں نیوزی لینڈ کیخلاف دبئی ٹیسٹ کے دوران مشکوک قرار دیا گیا تھا،اگلے ہی ماہ بازو کا خم 31ڈگری ریکارڈ کیے جانے پر انھیں پابندی کا سامنا کرنا پڑا، جنوری میں غیر رسمی ٹیسٹ میں بھی ان کے مسائل برقرار رہے، ورلڈ کپ 2015 سے قبل حفیظ انجری کا بھی شکار ہوئے اور پاکستان بطور بیٹسمین بھی ان کی خدمات سے محروم رہا، بولنگ ایکشن کی اصلاح کے بعد اپریل میں ٹیسٹ کلیئر کرنے کے بعد وہ ایک بار پھر بطور آل راؤنڈر دستیاب ہوئے۔جون میں سری لنکا کیخلاف گال ٹیسٹ کے دوران ایک بار پھر رپورٹ اور پابندی کا شکار ہوئے، ضابطے کے تحت اگر کوئی بولر 2 سال میں دوسری مرتبہ غیرقانونی بولنگ ایکشن کی زد میں آئے تو اس پر ایک سال کی پابندی عائد کر دی جاتی ہے، مدت پوری ہونے کے بعد محمد حفیظ اپنا ایکشن جولائی میں کلیئر کرا سکتے ہیں، مقامی ہوٹل میں میڈیا سے بات چیت کرتے ہوئے چیئرمین پی سی بی شہریار خان نے کہا کہ لاہور میں بائیو مکینک لیب کو فعال بنانے کیلئے تیزی سے پیش رفت جاری ہے، وہ جلد ہی کام شروع کردے گی۔ یہاں محمد حفیظ کے بولنگ ایکشن کا ٹیسٹ ہوگا، ماہرین اسے قانونی حد میں لانے کیلئے کام کرینگے، اس کے بعد انھیں 8جولائی کو ا?ئی سی سی کی منظور شدہ چنئی لیب میں ٹیسٹ کیلئے بھجوایا جائے گا۔یاد رہے کہ محمد حفیظ ورلڈ ٹوئنٹی 20 میں انجرڈ ہونے کے بعد فیصل آباد میں شیڈول پاکستان کپ کے مقابلوں میں بھی شریک نہیں ہو سکیں گے۔
پی سی بی حفیظ کو دوبارہ آل راؤنڈر بنانے کیلئے بے تاب
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
آپریشن بنیان المرصوص
-
وزیراعظم کا پیٹرولیم مصنوعات کی قیمتوں بارے اہم اعلان
-
30 جون کی ڈیڈ لائن ! گاڑی مالکان ہوشیار ہوجائیں
-
ٹویوٹا نے اپنی مشہور گاڑی کی قیمت میں 25 لاکھ روپے کی کمی کر دی
-
ننکانہ صاحب میں شوہر کا ادویات کھا کر اہلیہ سے مبینہ غیر فطری جنسی عمل، ساس نے اندراج مقدمہ کی درخو...
-
وزیرِاعظم اپنا گھر پروگرام، قرضے اور اقساط کی تفصیلات
-
تعلیمی اداروں میں مئی میں موسمِ گرما کی چھٹیاں ؟ اصل حقیقت سامنے آگئی
-
ملک بھر میں سونے کی قیمت میں مسلسل کمی، مزید سستا ہوگیا
-
سولر صارفین کیلئے بڑی خوشخبری
-
راولپنڈی میں طالبعلم کو اغوا کے بعد زیادتی کا نشانہ بنانے والے دو ملزم مقابلے میں ہلاک
-
پاکستان میں پیٹرولیم مصنوعات کی قیمتوں میں بڑے اضافے کا خدشہ
-
مبینہ کرپشن ریفرنس، وزیراعظم کی بیٹی اور داماد کو 7مئی تک گرفتار نہ کرنے کا حکم
-
آئندہ 24 گھنٹوں میں ملک کے بیشتر علاقوں میں تیز ہوائوں،آندھی ،گرج چمک کیساتھ بارش کا امکان
-
معمولی تکرار کے بعد باپ نے فائرنگ کرکے بیٹے کو ہلاک کردیا



















































