نئی دہلی (نیوز ڈیسک) آسٹریلیا کے سابق مایہ ناز وکٹ کیپر بیٹسمین ایڈم گلکرسٹ نے اس بات کا اعتراف کیا ہے کہ انٹرنیشنل کیریئر میں انہیں متھایا مرلی دھرن اور ہربھجن سنگھ نے ٹف ٹائم دیا۔ اپنے ایک بیان میں انہوں نے کہا کہ میں نے پورے انٹرنیشنل کیریئر میں جن باؤلرز کا سامنا کیا ان میں سب سے زیادہ مشکل سری لنکا کے سابق عظیم آف سپنر مرلی دھرن اور بھارت کے ہربھجن سنگھ کو مشکل پایا، میں کبھی بھی مرلی کی انگلیوں کی حرکات کو صحیح طریقے سے سمجھ نہیں سکا، اسی طرح ہربھجن سنگھ کو بھی کھیلنا مشکل ہوتا تھا۔ ان کا کہنا ہے کہ میرے ہم وطن بلے باز مائیکل ہسی کو بھی مرلی دھرن کا سامنا کرنے میں دشواری کا سامنا کرنا پڑتا تھا۔ یاد رہے کہ گلکرسٹ کا شمار دنیائے کرکٹ کے خطرناک بلے بازوں میں ہوتا تھا انہوں نے متعدد بار جارحانہ بیٹنگ کا مظاہرہ کر کے کینگروز کو فتوحات دلانے میں کلیدی کردار ادا کیا