لاڑکانہ(این این آئی) لاڑکانہ کے قریب شادی کی تقریب میں ایکو ساﺅنڈ آپریٹرز کو نشے آور چیز دے کر بیہوش کرکے بدفعلی کا نشانہ بنایا گیا، اسپتال داخل، ایک نوجوان فوت۔ تفصیلات کے مطابق لاڑکانہ شہر کے گجن پور چوک پر ایکوساﺅنڈ دوکان کے مالک جاوید مگن سے گاو ¿ں ذکریہ مہیسر کے قریب ملگانی برادری کے گاو ¿ں میں شادی کی تقریب کے لیے ایکو ساﺅنڈ بوک کروایا تھا اور دو نوجوان 18 سالہ نوید کمبر اور 14 سالہ کاشف مگسی ایکوساﺅنڈ لے کر گاو ¿ں ملگانی گئے ہوئے تھے۔ بتایا جاتا ہے کہ دونوں نوجوانوں کو رات کے وقت نشے آور چیز دے کر مبینا بدفعلی کا نشانہ بنایا گیا ہے جبکہ دونوں کو طبی امداد کے لیے چانڈکا اسپتال کے شعبہ حادثات پہنچایا گیا جہاں پر 14 سالہ کاشف مگسی فوت ہوگیا جبکہ دوسرے کی حالت نازک بتائی جاتی ہے۔ فوت ہونے والے بچے کے لاش کی پوسٹ مارٹم کرنے کے بعد لاش ورثائے کے حوالے کیا گیا ورثائے نے الزام لگائتے ہوئے بتایا کہ نوجوان کے پیروں پر رسوں کے نشانات ہے، دوسری جانب دونوں افراد کے ورثائے نے ایس پی چوک پر واقعے کے خلاف احتجاجی مظاہرہ کرکے دہرنا دیا گیا۔ اس موقعہ پر قربان مگسی، قمرالدین کمبر اور دیگر نے بتایا کہ ہمارے نوجوانوں کو نشے آور چیز دے کر ان کے ساتھ زیادتی کی گئی ہے۔ انہوں نے مطالبہ کیا کہ واقعے میں ملوث ملزمان کو گرفتار کرکے انصاف فراہم کیا جائے۔ دوسری جانب ایس پی ہیڈکوارٹر توقیر نعیم نے رابطہ کرنے پر بتایا کہ واقعے کی تفتیش کی جارہی ہے جبکہ دولہے کے چچا اور ایکوساﺅنڈ دوکان کے مالک سے بھی تفتیش کی گئی ہے اور واقعے میں ملوث ملزمان کے خلاف سخت کاروائی کی جائے گی۔