لاہور(نیو زڈیسک) پاکستان کرکٹ بورڈ کے چیئر مین شہریار خان نے اپنے عہدے سے مستعفی ہونے کا حتمی فیصلہ کرلیا ہے۔نجی ٹی وی کے مطابق ورلڈ ٹی ٹونٹی میں قومی ٹیم کی انتہائی ناقص پرفارمنس کے بعد سابق کرکٹرز اور شائقین کرکٹ کی جانب سے پی سی بی کے اعلی حکام سے مستعفی ہونے کا مطالبہ کیا جارہا تھا جس کے بعد شہریار خان نے جمعے کے روز ہی مستعفی ہونے کا فیصلہ کر لیا تھا تاہم نجم سیٹھی سے ملاقات کے بعد انہو ں نے اپنا فیصلہ موخر کیا لیکن اب خبر یہ ہے کہ چیئر مین پی سی بی نے اپنا استعفی منظور ی کے کرکٹ بورڈ کے پیٹرن انچیف وزیر اعظم نواز شریف کو بھجوا دیا ہے۔واضح رہے کہ قومی ٹیم کی ناقص کارکردگی کے باعث پی سی بی تمام اراکین کا وزیراعظم نے نوٹس لیتے ہوئے کہا تھا کہ قوم کی طرح میں بھی ٹیم کی کارکردگی سے مایوس ہوا ہوں۔