لاہور( نیوز ڈیسک)قومی ٹیم کی حالیہ شکستوں کی تحقیقات کیلئے قائم کی گئی فیکٹ فائنڈنگ کمیٹی کی تحقیقات کی روشنی میں شاہد آفریدی کو ٹیم کی قیادت سے ہٹا کر عام کھلاڑی کو طور پر کھلانے کیلئے کسی حدتک گرین سگنل دیدیا گیاہے۔ایک میڈیارپورٹ کے مطابق پی سی بی نے شاہدآفریدی کو بطورعام کھلاڑی کھلانے کا اختیارنئی سلیکشن کمیٹی کے سپرد کرنے کا فیصلہ کیاہے جو آل راونڈرسے ممکنہ طورپر میٹنگ کرکے فیصلہ کرے گی کہ انہیں بطور عام پلیئرکھلاناہے یا نہیں؟واضح رہے کہ شاہد آفریدی نے آسٹریلیاکے خلاف ورلڈٹی ٹونٹی2016 کا آخری میچ کھیلتے وقت کہاتھا کہ میں ٹیم کی قیادت کیلئے فٹ نہیں ہوں مگر بطور پلیئربالکل فٹ ہوں۔آفریدی کے بیان سے واضح ہوتاہے کہ انہوں نے بطورپلیئرکیریئرجاری رکھنے کیلئے اپنا ذہن بنایاہواہے۔