کراچی (نیوز ڈیسک)دہشت گردوں کے علاج معالجے اور سہولت کاری کے حوالے سے ڈاکٹرعاصم حسین کیس کی سماعت اٹھارہ اپریل تک ملتوی کر دی گئی،عدالت نے تینوں مفرور ملزمان کے ایک بار پھر وارنٹ گرفتاری جاری کر دیے۔ڈاکٹر عاصم حسین سے متعلق کیس کی سماعت انسداد دہشت گردی عدالت میں ہوئی ، ڈاکٹر عاصم سمیت کیس میں نامزد ملزمان وسیم اختر ، رو¿ف صدیقی اور عثمان معظم عدالت میں پیش ہوئے ، تفتیشی افسر نے عدالت کو بتایا کہ مفرور ملزم انیس قائم خانی کی گرفتاری کے لیے کئی بار ان کی ڈی ایچ اے میں واقع رہائش گاہ گیا ، مگر انیس قائم خانی نہ مل سکے ، تفتیشی افسر نے عدالت سے درخواست کی ایس ایچ او درخشاں کو گرفتاری کی ہدایت کی جائے۔دوسرے مفرور ملزم قادر پٹیل کے حوالے سے عدالت کو بتایا گیا کہ ملزم بیرون ملک سے تاحال واپس ہی نہیں آیا ، گرفتاری کے لیے وزارت داخلہ سے رابطہ کرنا ہوگا۔ عدالت نے تینوں مفرور ملزمان انیس قائم خانی ، سلیم شہزاد اور قادر پٹیل کے ایک بار پھر وارنٹ گرفتاری جاری کرتے ہوئے سماعت اٹھارہ اپریل تک ملتوی کردی