لاہور(نیوز ڈیسک) سابق ٹیسٹ کرکٹر عاقب جاوید نے انکشاف کیا ہے کہ شاہد آفریدی جب ایک میچ میں پہلی گیند پر آؤٹ ہوئے تو سٹیڈیم میں موجود تماشائیوں نے انہیں دوسری باری دینے کا مطالبہ شروع کردیا۔نجی ٹی وی کے پروگرام میں گفتگو کرتے ہوئے عاقب جاوید کا کہنا تھا کہ آفریدی جیسا مرضی پرفارم کرے لیکن انہوں نے اپنی زندگی میں اس سے زیادہ مشہور کرکٹر نہیں دیکھا، دنیا بھر کے کرکٹرز میں ان کے مداحوں کی تعداد سب سے زیادہ ہے۔اس ضمن میں ایک سناتے ہوئے عاقب جاوید کا کہنا تھا کہ پشاور میں کھیلے جارہے ایک میچ میں جب آفریدی پہلی گیند پر آؤٹ ہوئے تو سٹیڈیم میں موجود پٹھانوں نے توڑ پھوڑ کرنے کے ساتھ ساتھ انہیں دوسری باری دینے کے لیے شور ڈالنا شروع کردیا۔ان لوگوں کو مشکل سے سمجھایا گیاکہ کرکٹ میں صرف ایک ہی باری ہوتی ہے تاہم آفریدی کے آؤٹ ہوتے ہی 5منٹ میں آدھے سے زیادہ سٹیڈیم خالی ہوگیا۔