اسلام آباد (نیوز ڈیسک )قومی کرکٹرز نے دریا دلی کی اعلی مثال قائم کر دی تفصیلات کے مطابق لاہور بم دھماکے کی مذمت کرتے ہوئے کہاہے کہ دہشت گردی کو شکست دے کر پوری قوم کو ایک ہونا پڑے گا۔سوشل میڈیا پر جاری بیان میں پاکستان کرکٹ ٹیم کے ہیڈ کوچ وقار یونس نے لاہور میں خودکش حملے کو ظالمانہ کارروائی قراردیتے ہوئے دلی دکھ کااظہارکیا۔شاہد آفریدی نے اسے سانحہ قراردیتے ہوئے عوام سے اپیل کی کہ وہ متاثرین کی امداد کیلئے خون کے عطیات دیں ‘انہوں ایک ٹوئٹ میں لکھاکہ دہشت گردی کو شکست دے کر پوری قوم کو ایک ہونا پڑیگا۔وسیم اکرم نے بھی مذمت کی ہے اور متاثرین سے اظہار تعزیت کیا ‘انہوں نے کہاکہ وہ خود تو ملک سے باہر ہیں تاہم دل پاکستان میں ہی ہے۔سابق کپتان محمد حفیظ نے لاہور واقعہ پر دکھ کا اظہار کیا اورلکھا کہ دکھ کی اس گھڑی میں پوری قوم متحد ہے۔کرکٹر شعیب ملک ‘ احمد شہزاد ‘وہاب ریاض ‘ اظہر علی اور بولنگ کوچ اظہر محمود نے سانحہ لاہور پر دکھ اور غصہ کا اظہار کیا۔