اسلام آباد(نیوز ذڈیسک )پارلیمنٹ کی طرف مارچ کر نے والے ممتاز قادری کے چہلم کے شرکا ءنے چائنہ چوک میٹرو بس سٹیشن کو آگ گا دی ۔تفصیلات کے مطابق مارچ کے شرکاءکے اسلام آباد میٹروبس کے تمام سٹیشنزکو نقصان پہنچایا ہے جبکہ چائنہ چوک میں واقع میڑو بس کے سٹیشن کو آگ لگا دی گئی ہے ۔مظاہرین کی بہت بڑی تعد اد پارلیمنٹ ہاؤس کے گیٹ تک پہنچ چکی ہے جبکہ انہوں نے پارلیمنٹ کے سامنے بھی آگ لگا دی ہے جس کی وجہ سے جڑواں شہروں میں خوف ہراس پھیل چکا ہے اور شہری اپنے گھروں تک محدود ہو گئے ہیں ۔ بگڑتی ہوئی صورتحال کے پیش نظر پاک فوج کو طلب کرلیا گیا ہے۔ڈی جی آئی ایس پی آر لیفٹیننٹ جنرل عاصم باجوہ کا کہنا ہے کہ حکومت نے ریڈ زون کی حفاظت اور نازک صورتحال کو قابو کرنے کی خاطر فوج کو طلب کیاہے۔قبل ازیں ممتاز قادری کاچہلم لیاقت باغ میں ہوا جس کے بعد مظاہرین نے لیاقت باغ سے پارلیمنٹ کی جانب جانے کا اعلان کیا۔مظاہرین کا پولیس سے متعدد جگہوں پر آمنا سامنا بھی ہواجس کے دوران پتھراؤ،شیلنگ اور فائرنگ بھی کی گئی۔ سیکورٹی خدشات کی وجہ سے میٹرو بس سروس بند کر نے کا حکم دیدیا گیا ۔