اسلام آباد(نیوزڈیسک)پاکستان تحریک انصاف کے چیئرمین اور سابق ٹیسٹ کرکٹر عمران خان نے کہا ہے کہ بدقسمتی سے ہمارے پاس اقربا پروی کو پروان چڑھانے والے وزیر اعظم ہیں جنہوںنے ایک الیکشن فکسر کو پاکستانی کرکٹ فکس کرنے کیلئے پی سی بی کا چیئرمین مقرر کر دیا ۔اپنے ٹویٹ پیغام میں عمران خان کا کہنا تھا کہ پاکستان میں کر کٹ ٹھیک کرنے کیلئے کرکٹ کو ایک ادارہ بنانے کی ضرورت ہے تاہم پاکستان میں کرکٹ ادارہ نہیں بن سکا کیونکہ وزیر اعظم نے پی سی بی کے سربراہ کا تقرر کرتا ہے ۔ انہوںنے کہا کہ کرکٹ کو بچانے کیلے اس میں سے سیاسی اثر ورسوخ ختم کرنا ہو گا۔ عمران خان نے کہاکہ کرکٹ کی ناکامی کی وجہ وزیر اعظم کا پی سی بی چیف مقرر کرنا ہے ¾ٹیلنٹ کی کمی دور کرنے کیساتھ ساتھ کھلاڑیوں کے رویے بھی درست کرنے کی ضرورت ہے اور اچھی کرکٹ کھیلنے کیلئے تسلسل سے بہتر حکمت عملی اپنانے کی ضرورت ہے تاہم کر کٹ کو درست کرنے کیلئے صحیح تجزیہ کرنے کی ضرورت ہے کیونکہ غلط تجزیہ کرکٹ کو تباہی کی طرف لیجائے گا۔ ان کا مزید کہنا تھا کہ پاکستان میں زیادہ سے زیادہ کرکٹ گراﺅنڈز بنائے جائیں۔نیوزی لینڈ میں آبادی کم مگر کرکٹ گراﺅنڈ زیادہ ہیں۔