کراچی(نیوزڈیسک)اسلام آباد ،لاہور اور پھر کراچی بھی۔پریس کلب پر حملہ ہوگیا،کراچی پریس کلب پرمشتعل افراد نے حملہ کرکے دو افراد کو زخمی کردیا ،مشتعل افراد نے نجی ٹی وی چینل کی گاڑی کو آگ لگائی اور میڈیا نمائندوں سے کیمرے اور دیگر سامان چھین کر فرار ہوگئے۔کراچی پریس کلب میں نامعلوم افراد نے داخل ہونے کی کوشش کی منع کرنے پر مشتعل افراد نے فائرنگ کی اورپریس کلب کے باہر موجود گاڑیوں کو توڑ پھوڑ کا نشانہ بنایا، جبکہ پیٹرول ڈال کر نجی ٹی وی چینل کی گاڑی کوآگ بھی لگادی۔مشتعل افراد نے وہاں موجود نجی ٹی وی چینلز کے عملے سے دوکیمرے اور دیگر سامان بھی چھینا اور فرار ہوگئے، بھگڈر سے دو افراد زخمی بھی ہوئے، پولیس نے شیلنگ کرکے مشتعل افراد کو منشترکیا۔وزیر اعلیٰ سندھ سید قائم علی شاہ ، وزیر داخلہ سہیل انور سیال نے واقع کا نوٹس لیتے ہوئے ایڈیشنل آئی جی کراچی سے رپورٹ طلب کرلی ہے۔ صحافی تنظیموں کے نمائندوں نے بھی واقع کی شدیدا لفاظ میں مذمت کی ہے۔