لاہور(نیوزڈیسک)لاہور میں خودکش حملہ آور نے پارک میں کیا ،کیا،درندگی کی نئی تاریخ رقم،ہلاکو اور چنگیز خان بھی شرماگئے،لاہور دھماکے کے خودکش حملہ آور نے درندگی اور سفاکیت کی انتہا کردی پارک میں ٹارگٹ کرکے ایسی جگہ پر دھماکہ کیا جہاں پر معلوم ہنستے کھیلتے بچوں کا ہجوم تھا،اتوار کا دن ہونے کی وجہ سے کثیر تعدادمیںمعصوم بچے ،خواتین اور مرد حضرات اپنے ساتھ کھانے پینے کا سامان لائے ہوئے تھے اور جس جگہ کثیر تعداد میں فیملیز موجود تھیں خودکش بمبار نے عین وہاں پہنچ کر اپنے مزموم ارادوں کی تکمیل کی ،علامہ اقبال ٹاﺅن کے گلشن اقبال پارک میں دھماکے کی اطلاع ملتے ہی لاہور کے دیگر تفریحی گاہوں میں سیر کے لئے آنے والے شہری فوری طور پر گھروں کو واپس لوٹ گئے۔ تفصیلات کے مطابق گلشن اقبال پارک میں دھماکے کی اطلاع ملتے ہی پولیس نے اپنے اپنے تھانوں کی حدود میں واقع تفریحی گاہوں کی سکیورٹی سنبھال لی ۔ پولیس کی طرف سے فوری طور پر سکیورٹی انتظامات کئے جانے کے باوجود سیر و تفریح کےلئے آنے والے شہری اپنی فیملیوں کے ہمراہ گھروں کو واپس لوٹنا شروع ہو گئے جس سے شاہراہوں پر ٹریفک کا نظام بھی تعطل کا شکار رہا ۔