راولپنڈی (نیوز ڈیسک)بے نظیر بھٹو انٹرنیشنل ائیر پورٹ پر معروف نعت خواںجنید جمشیدپر حملے اور تشدد کے خلاف درخواست ئیرپورٹ پولیس چوکی میں دےدی گئی ہے ائرپورٹ کے ٹرمینل منیجر کی جانب سے دی گئی درخواست پر پولیس نے واقعہ کی تحقیقات کا آغاز کر دیا ہے جبکہ ائر پورٹ سکیورٹی فورس نے بھی واقعہ کا نوٹس لے لیا ہے ائرپورٹ پر نصب کلوز سرکٹ کیمروں کی فوٹیج کی مدد سے نامعلوم حملہ آوروں کی نشاندہی کا عمل جاری ہے تاہم اے ایس ایف حکام کے مطابق حملہ آور کسی دوسرے شہر سے یہاں آئے تھے جنید جمشید پر ہفتہ اور اتوار کی درمیانی رات گئے 7نامعلوم افراد افراد نے اس وقت حملہ کر دیا تھا جب وہ پی آئی اے کی پرواز پی کے 372کے ذریعے کراچی سے اسلام آباد پہنچے تھے جہاں پر لاﺅنج سے باہر نکلتے ہی مذکورہ مشتعل افرادنے نعرہ بازی کرتے ہوئے جنید جمشید پر تشدد کیا اور انہیں دھکے دیئے اس موقع پر سول ایوی ایشن اتھارٹی اور اے ایس ایف اہلکاروں نے بمشکل ان کی جان بچائی اور انہیں حفاظتی تحویل میں لینے کے بعد پولیس کی نگرانی میں ان کے گھر بھجوایا تاہم پولیس اور اے ایس ایف حکام کا کہنا ہے کہ مذکورہ افراد کی نشاندہی ہوتے ہی ان کے خلاف قانون کے مطابق سخت کاروائی کی جائے گی ۔