ممبئی(نیو زڈیسک)بھارتی کرکٹر ویرات کوہلی کی ورلڈ ٹوئنٹی میں پاک بھارت میچ کے دوران کارکردگی نے ان کی روٹھی محبوبہ انوشکا شرما کو ناراضی ختم کرنے پر مجبور کردیا۔ بالی ووڈ اداکارہ انوشکا شرما اور ویرات کوہلی کے درمیان طویل عرصے سے معاشقہ رہا ہے لیکن گزشتہ دنوں دونوں نے اختلافات کے باعث ایک دوسرے سے کنارہ کشی اختیار کرلی تھی جس کے بعد کرکٹر ویرات کوہلی کی جانب سے انہیں منانے کی کوششیں کی جارہی تھیں تاہم ویرات کوہلی کی ورلڈ ٹی ٹوئنٹی میں شاندار کارکردگی نے انوشکا شرما کو واپسی کے لیے مجبور کردیا ہے۔ میڈیا رپورٹس کے مطابق ورلڈ ٹی ٹوئنٹی میں پاکستان کے خلاف شاندار کارکردگی پر انوشکا شرما نے ویرات کوہلی کو نہ صرف خود فون کرکے مبارک باد دی بلکہ ان کی کارکردگی کو خوب سراہا جس کے بعد اب دونوں کے تعلقات پر جمی برف پگھلنا شروع ہوگئی ہے۔ واضح رہے کہ اداکارہ انوشکا شرما اپنی نئی آنے والی فلم’’سلطان‘‘ کی شوٹنگ میں مصروف ہیں جس میں سلمان خان ان کے مدمقابل مرکزی کردار ادا کریں گے۔