لاہور (نیوز ڈیسک) کانٹر ٹیرارزم ڈیپارٹمنٹ نے لاہور میں تخریب کاری کا بڑا منصوبہ ناکام بنا دیا ، کالعدم تنظیم کے 4مبینہ دہشت گردوں کے گرفتار کرکے ان کے قبضے سے بھاری مقدار میں بارود بھی برآمد کرلیا گیا ۔ میڈیا رپورٹس کے مطابق لاہور کے علاقے ٹاؤن شپ میں کانٹر ٹیرارزم ڈیپارٹمنٹ نے کارروائی کرتے ہوئے ایک گھر سے کالعدم تنظیم سے تعلق رکھنے والے 4مبینہ دہشت گردوں کو گرفتار کرلیا ۔گرفتار دہشتگردوں کی شناخت فواد حبیب اللہ ، ظہور احمد ، محمد اسد اور ضیا معراج کے نام سے ہوئی ہے ۔ چاروں دہشت گرد لاہور کے ہی رہائشی ہیں ۔ گرفتار ہونے والے ملزمان کے قبضے سے 8بارودی سرنگیں ، 2کلو بارودی مواد اور ممنوعہ لٹریچر بھی برآمد ہوا ہے ۔ جو ممکنہ طور پر لاہور میں تخریب کاری کی واردات میں استعمال ہونا تھا ۔ مبینہ دہشت گردوں کے خلاف مقدمہ درج کر کے مزید تفتیش کے لئے نامعلوم پر منتقل کردیا گیا ہے۔