ریاض (نیوز ڈیسک) سعودی عرب کے شہر ریاض میں دو دھڑ جڑی پاکستانی بچیوں کی سرجری کی تیاری شروع کر دی گئی ، آپریشن میں بیس سرجن حصہ لیں گے ۔میڈیا رپورٹ کے مطابق فاطمہ اور مشعال کا آپریشن سعودی فرمانروا شاہ سلمان کی خصوصی ہدایت پر سرکاری سطح پر کیا جائیگا ۔ بچیوں کا آپریشن ریاض میں قائم شاہ عبد اللہ چلڈرن ہسپتال میں کیا جائے گا جہاں آپریشن سے قبل ان کا طبی معائنہ شروع کر دیا گیا ڈاکٹروں کے مطابق دونوں جڑواں بچیوں کا مجموعی وزن 20 کلو گرام ہے اور ان کی سرجری کی کامیابی کے 80 فی صد امکانات موجود ہے ،دونوں بچیاں سینے اور پیٹ سے جڑی ہوئی ہیں ، ان کے سینے اور جگر کے وال باہم متصل ہیں ۔ انہوں نے کہا کہ آپریشن کا مرحلہ سات گھنٹے تک جاری رہ سکتا ہے جس میں کم سے کم 20 سرجن حصہ لیں گے ۔