کلکتہ (نیوز ڈیسک) آسٹریلیوی اوپنر ڈیوڈ وارنر کا کہناتھا کہ پاکستانی فاسٹ باولر محمد عامر ان کے لیے دیگر باولرز کی طرح ہیں
۔میڈیا سے فتگو میں ڈیوڈ وارنر کا کہنا تھا کہ محمد عامر ان کے لیے دیگر باولرز کی طرح ہی ہیں اور وہ یا دیگر آسٹریلوی کھلاڑی میدان میں عامر کو انکے ماضی کی غلطیاں یاد دلانے کی کوشش نہیں کریں گے ، پاکستانی کرکٹ بورڈ اور آئی سی سی نے عامر کو انٹر نیشنل کرکٹ کھیلنے کی اجازت دی ہے اور پاکستانی کھلاڑیوں نے بھی انہیں قبو ل کر لیا ہے جس کے بعد اب اس پر بحث کی کوئی گنجائش باقی نہیں رہ گئی ہے۔کینگرو اوپنر کا مزید کہنا تھا کہ 2010ءمیں ویسٹ انڈیز میں کھیلے گئے ورلڈ ٹی ٹونٹی کے سیمی فائنل میں عامر نے آسٹریلیوی اننگز کی پہلی یا دوسری گیند پر انہیں آو¿ٹ کیا تھا اور تب بھی وہ 150کلومیٹر فی گھنٹہ کی رفتار سے گیندیں کرا رہے تھے۔ پاکستان اور آسٹریلیا کی ٹیمیں جمعے کی دن 2: 30منٹ پر موہالی کے میدان پر ہی ورلڈ ٹی ٹونٹی کے سیمی فائنل تک رسائی کی اپنی امیدیں برقرار رکھنے کے لیے آمنے سامنے آئیں گی۔