موہالی (نیوز ڈیسک)قومی ٹیم کے وکٹ کیپر بلے باز سرفراز احمد نے نیوزی لینڈ کیخلاف میچ میں ٹیم کا ہار کا سبب بننے والے کھلاڑیوں کا ڈھکے چھپے الفاظ میں تذکرہ کرڈالا۔ نجی ٹی وی سے گفتگو میں سرفراز احمد کاکہنا تھاکہ 181رنز کے ہدف کا تعاقب کرنے کے لیے ہمیں ایک اچھا آغاز درکار تھا جو شرجیل خان نے ہمیں فراہم کیا ، اس کے بعد ہمیں اگلے 7سے 8اوور ز تک 8کا رن ریٹ برقرار رکھنا تھا تاہم ہم یہ نہیں کرپائے جس کے باعث میچ ہاتھ سے نکلتا چلا گیا۔ یاد رہے کہ موہالی میں کھیلے گئے مذکورہ میچ کے مڈل اوورز میں احمد شہزاد اور عمر اکمل نے انتہائی سست روی سے کھیلتے ہوئے رن ریٹ اوپر جانے دیااور پھر بڑے شاٹس لگانے کے چکر میں پوویلین جا بیٹھے۔