کراچی (نیوز ڈیسک) عالمی شہرت یافتہ ریسرچ اسکالر ، 500بااثر مسلمانوں کی فہرست میں شامل ،سابق وفاقی وزیر مملکت ، جنگ گروپ (مذہبی امور)کے گروپ ایڈیٹر اور جیو انٹرٹینمنٹ کے صدر ڈاکٹر عامر لیاقت حسین کو تحریک طالبان کی جانب سے ممکنہ حملے کے خطرات کی اطلاعات اور اِس اہم ترین اطلاع کے افشا ہونے کے باوجود وفاقی و صوبائی حکومتوں کی جانب سے لاکھوں دِلوں کی دھڑکن اِس ممتاز اور بہادرمیزبان کی حفاظت کے لیے خاطر خواہ اقدامات تو د±ور کی بات ہے،کسی بھی سطح پر ا±ن سے رابطہ تک نہیں کیاگیا ہے۔گذشتہ روز جیو نیوز کے مقبول ترین پروگرام کیپیٹل ٹاک میں معروف میزبان اور سینئر ترین تجزیہ نگار و کالم نگار حامد میر کے ایک سوال کے جواب میں پیپلز پارٹی کے سابق سینیٹر تاج حیدر نے زور دےکر کہا تھا کہ عامر لیاقت حسین کی سیکیوریٹی کے لیے ا±ن کے کوارڈینٹر سے رابطہ کرلیاگیا ہے تاہم آج ”جنگ“ کے استفسار پر ڈاکٹر عامر لیاقت حسین نے انکشاف کیا کہ ا±نہیں دہشت گردوں کی جانب سے ہاتھ سے لکھا ہوا ایک خط بھی آج موصول ہوا ہے جس میں لکھاگیا ہےکہ ”جب وزیر اعظم اور گورنر پنجاب کے بیٹے اغوا ہوسکتے ہیںتو تم کس کھیت کی مولی ہو، طالبان کے خلاف بولنا اور لکھنا بند کردو ورنہ ا±ڑا دیے جاﺅ گے “۔ ا±نہوں نے کہا کہ مجھے خوشی ہے کہ کائنات کی بدترین مخلوق نے جنہیں اللہ کے رسول ? نے جہنم کے کتے کہہ کر پکارا ہے ا±نہوں نے قتل کرنے کے لیے میرا انتخاب کیا ہے اور میں اللہ کا شکر گذار ہوں کہ ا±س نے مجھے اپنے حبیب? کے ایک قول کے مطابق کہ جو ”خوارج کے ہاتھوں ماراجائے وہ بہترین شہید ہوگا“ جیسے منصب کے لیے اِن درندوں کی دھمکیوں کے سامنے لاکھڑا کیا ہے۔ا±ن کا کہنا تھا کہ میرے لیے اللہ اور ا±س کے رسول ? ہی کافی ہیں اور اگر مجھے تکلفاً تحفظ فراہم کیا بھی جاتا تو میں شکریے کے ساتھ واپس کردیتا کیونکہ وزیر اعلی ہاﺅس کی حفاظت اور گورنر سندھ کا تحفظ ہم جیسے کیڑے مکوڑوں کی زندگی سے زیادہ اہم ہے تاہم تاج حیدر جیسی محترم شخصیت کو جو محترمہ بے نظیر بھٹو شہید کے لیے بھی قابلِ احترام تھے سندھ حکومت کے دفاع میں جھوٹ نہیں بولنا چاہیے تھا۔ا±نہوں نے کہا کہ وفاقی و صوبائی حکومتوں میں سے کسی بھی جانب سے ا±ن سے کوئی رابطہ کیا گیا ہے اور ناہی ”دکھاوے“ کے لیے ہی سہی کوئی سیکیوریٹی فراہم کی گئی ہے البتہ طالبان مسلسل رابطے میں ہیں اور یہ کہہ کر ا±نہوں نے ہنستے ہوئے مزید کہا کہ حکومت سے بہتر تو دہشت گرد ہیں جو کم از کم قتل کرنے کی دھمکیوں کے ساتھ رابطہ تو کررہے ہیں۔