ایبٹ آباد (نیوز ڈیسک)ایبٹ آباد کے علاقے بسالی اور بانڈی میں تسلسل سے چوری کی وارداتیں لوگوں میں شدید خوف ہراس پھیل گیا ، گزشتہ رات ڈاکوؤں اور اہل علاقے میں پانچ گھنٹے تک مسلسل فائرنگ کا تبادلہ ہوا ، ایس پی ایبٹ آباد اور ڈی ایس پی کا متاثرہ علاقے کا دورہ ، سماج دشمن عناصر اور ٹمبرمافیا کی جلد قلع قمع کرنے کی یقین دہانی کرائی ،۔ تفصیلات کے مطابق ضلع ایبٹ آباد کے دور درز علاقے بسالی اور بانڈی میں گزشتہ چند روز سے مسلسل ڈکیتی کی وارداتوں سے خوف وہراس پھیلا ہوا ہے ۔ گزشتہ رات محلہ بسالی کے ایک گھر میں جدید اسلحے سے لیس بارہ افراد نے گھنسے کی کوشش کی تاہم ہلخانہ کی جانب سے شور مچانے پر اردگرد کے دیگر افرادجمع ہو گئے ۔ جس کے بعد ڈاکوؤں اور اہل علاقہ کے درمیان 5گھنٹوں تک فائرنگ کا تبادلہ جاری رہا۔ تاہم پولیس کے پہنچنے سے پہلے پہلے مسلح ڈاکو فرار ہونے میں کامیاب ہو گئے۔ جس کے بعد آج ایس پی اور ڈی ایس پی نے متاثرہ علاقے کا دورہ کیا اور لوگوں سے ملاقات کی ۔ اس دوران لوگوں نے ایس پی کو بتایا کہ ڈی ایس پی جمیل الرحمان ٹمبر مافیا کو بری طرح کھٹک رہا ہے ۔ نئے ڈی ایس پی نے ملک و قوم کو نقصان پہنچانے والوں کاراستہ روکا ہوا ہے اور یہی وجہ ہے کہ یہ لوگ ایسی گھناؤنی وارداتوں کے تحت انہیں بدنام کرنے کی کوشش کر رہے ہیں ۔ مسلسل چوریوں اور گھر وں پر فائرنگ کے واقعات کے ٹمبر مافیا اور جرائم پیشہ عناصر ہیں جن کا مقصد علاقے میں خوف وہراس پھیلانے اور ڈی ایس پی کی ساکھ کو نقصان پہچانا ہے ۔ لوگوں نے واضح کیا کہ اگر ڈی ایس پی کا تبادلہ ہوا تو ڈی پی او آفس کا گھیراؤ کرینگے۔‎‎