کراچی (نیوزڈیسک)انسداد دہشتگردی عدالت نے ڈاکٹر عاصم کیس میں مفرور ملزمان انیس قائمخانی ، قادر پٹیل ، سلیم شہزاد کے ناقابل ضمانت وارنٹ جاری کرتے ہوئے سماعت 2 اپریل تک ملتوی کردی ہے۔منگل کو انسداد دہشتگردی عدالت میں ڈاکٹر عاصم کیس سے متعلق سماعت ہوئی۔ ڈاکٹر عاصم حسین ، سمیت ایم کیو ایم رہنما وسیم اختر ، رو¿ف صدیقی ، پاسبان کے جنرل سیکریٹری عثمان معظم عداالت میں پیش ہوئے۔ عدالت نے تفتیشی افسر سے مفرور ملزمان سے متعلق رپورٹ طلب کی جس پر تفتیشی افسر نے موقف اپنایا کے انیس قائمخانی ڈیفنس میں واقع میں بنگلے میں رہائش پذیر ہے، وہاں افتخار عالم سے ملاقات ہوئی ، انکا کہنا تھا انیس قائمخانی حیدر آباد میں ہیں ، اسلئے گرفتار عمل میں نہیں لائی جاسکی جبکہ سلیم شہزاد کی گرفتاری کیلئے سیکریٹری داخلہ کو خط لکھ دیا گیا ہے، اب تک کوئی جواب موصول نہیں ہوا۔عدالت نے قادر پٹیل کی عدم گرفتاری پر برہمی کا اظہار کیا، دوسری جانب وکیل انور منصور خان نے میڈیا سے بات چیت کرتے ہوئے کہا کہ ڈاکٹر عاصم کی عدالت میں حاضری کی خبر نہیں تھی ، ڈاکٹر عاصم خود اپنی مرضی سے عدالت میں پیش ہوئے۔ڈاکٹروں کی جانب سے آرام کی ہدایت کی گئی ہے۔ عدالت نے مفرور ملزمان انیس قائمخانی ، قادر پٹیل ، سلیم شہزاد کے ایک بار پھر ناقابل ضمانت وارنٹ جاری کرتے ہوئے سماعت 2 اپریل تک ملتوی کردی۔