اسلام آباد(نیوز ڈیسک)وزیراعظم کے مشیربرائے امورخارجہ سرتاج عزیز نے کہاہے کہ نیوکلیئرپالیسی میں کوئی تبدیلی نہیں آئے گی،ایٹمی صلاحیت پرکوئی سمجھوتہ نہیں کیاجائیگا،بھارت کی سلامتی کونسل کیلئے مستقل نشست کی کوششیں کامیاب نہیں ہونگی،افغان طالبان پرتھوڑابہت اثرورسوخ ہے ان پر کنٹرول نہیں ہے، بھارت کے سٹیٹ ایکٹرقبائلی علاقوں،بلوچستان اورکراچی میں مداخلت کررہے ہیں، را کاپاکستان میں ہونیوالی دہشتگردی میں بڑا ہاتھ ہے۔منگل کو سینیٹ کے اجلاس میں سینیٹرحمداللہ کی پیش کردہ تحریک پربحث جو امریکہ کے خارجہ سیکرٹری کے بیان پر بحث سے متعلق ہے کہ سعودیہ عرب پاکستان سے ایٹم بم خرید سکتا ہے اورپاکستان کوایٹمی عدم پھیلاﺅ معاہدے کی خلاف ورزی پرنتائج کاسامنا کرناپڑسکتا ہے بحث سمیٹتے ہوئے مشیرخارجہ سرتاج عزیز نے کہاکہ جس اخباری بیان پر تحریک التواءجمع کرائی گئی وہ بیان درست نہیں ہے وہ سیاق سباق سے ہٹ کر چھاپہ گیا جان کیری نے پاکستان کو کوئی دھمکی نہیں دی صحافی نے سوال کیا تھا ۔ انہوں نے کہاکہ سعودیہ عرب سے ہمارا اچھے تعلقات ہیں سعودیہ ہمارا برادر اسلامی ملک ہے لیکن کسی کوایٹمی ٹیکنالوجی منتقل نہیں کرینگے ایٹمی ٹیکنالوجی اپنے تحفظ کیلئے ہے عالمی مبصرین نے ہمارے نظام کواچھا قراردیا ہے ایٹمی ٹیکنالوجی کہیں باہرنہیں جاسکتی اگر بھارت صلاحیت بڑھاتا ہے تو ہم اپناردعمل دینگے کوئی بندش برداشت نہیں کرینگے جس سے ہماری سیکیورٹی کو خطرہ ہو سیکیورٹی ہماری اولین ترجیح ہے انہوںنے کہا کہ ہمارا نیوکلیئرکمانڈاینڈ کنٹرول کی پوری دنیا معترف ہے ایٹمی صلاحیت پرکوئی سمجھوتہ نہیں کرینگے ہمارا افغان طالبان پر تھوڑابہت اثرورسوخ ہے لیکن ان پرکنٹرول نہیں ہے ہمارے طالبان سے رابطے قطردفتر کے ذریعے ہیں پاکستان افغانستان میں امن کاخواہاں ہے چارممالک کے اتحادکے ذریعے طالبان اورافغانستان کے امن عمل میں سہولت کار کے طورپرکرداراداکررہے ہیں کوشش کررہے ہیں کہ افغان حکومت اورطالبان کے درمیان براہ راست مذاکرات ہوں مذاکرات کی میزبانی کی پیشکش کی ہے اگرکوئی اورملک کرناچاہے توکوئی اعتراض نہیں انہوں نے کہاکہ ہم بھارت کے ساتھ امن کے خواہاں ہیں لیکن وہ الزام تراشی کی سیاست کررہے ہیں بھارت ہم پر نان سٹیٹ ایکٹرز کی مداخلت کی بات کرتا ہے لیکن خود بھارت کے سٹیٹ ایکٹرز قبائلی علاقوں کراچی اوربلوچستان میں مداخلت کررہے ہیں اس کابھارت کیوں جواب نہیں دیتا بھارت کی خفیہ ایجنسی را کاپاکستان میں ہونیوالی دہشتگردی میں بڑا ہاتھ ہے انہوںنے کہاکہ ہماری ایٹمی پالیسی میں کوئی تبدیلی نہیں آئے گی بھارت کی سلامتی کونسل میں مستقل ممبر کیلئے کاوشیں بارآورنہیں ہونے دینگے اس کو چین کے تعاون سے ناکام بنائینگے۔