ممبئی (نیوزڈیسک)بھارت کے سابق کپتان اور آل راونڈر کپل دیو نے کہا ہے کہ عمران خان کے بعد پاکستان کو کوئی اچھا کپتان نہ مل سکا وسیم اکرم ان کے اچھے جانشین تھے۔ایک انٹرویومیں بھارتی لیجنڈ نے کہاکہ بنگلہ دیش کا پاکستان کو ہرانا ایشیا کپ جیتنے کے مترادف ہے۔ ایشیا کپ میں پاکستان کی کارکردگی دیکھ کر انتہائی افسوس ہوا ۔ کہاں عمران خان اور وسیم اکرم کی ٹیمیں تھیں اور کہاں یہ ایک کلب لیول کی ٹیم تھی جس نے پاکستانی شائقین کے ساتھ دنیا کے شائقین کی امیدیںتوڑ دیں۔انہوں نے کہا کہ جس طرح آفریدی الیون کھیل رہی ہے اس سے لگتا ہے کہ وہ ٹی ٹونٹی ورلڈ کپ کے اگلے راﺅنڈ میں نہ جا سکے گی۔ یہ اس ٹیم کی خوش قسمتی ہے کہ اس کو کوالیفائنگ راﺅنڈ نہیں کھیلنا پڑا ورنہ وہ کوالیفائی بھی نہ کر سکتی۔