نیویارک(نیوزڈیسک)ستمبر 11کے حملوں کو 15سال ہوچکے ہیں لیکن آج بھی اس کے بارے میں مختلف کہانیوں کے نکلنے کا سلسلہ جاری ہے اور حال ہی میں ایک ویڈیو فوٹیج نے دنیا میں ہنگامہ برپا کردیا۔اس میں دیکاھ جاسکتا ہے کہ کوئی سفید بھوت جیسی پر اسرارچیز حملوں کے بعد ورلڈ ٹریڈ سینٹر کے گراﺅنڈ زیرو میں اڑ رہی ہے۔ ایک یوٹیوب صارف نے ویڈیو شیئر کرتے ہوئے لکھا ہے’میں نے حال ہی میں 9/11کی ویڈیو دیکھی ہے اوریہ نوٹس کیا ہے کہ کوئی چیز جڑواں ٹاورز کے اوپر اڑ رہی ہے۔مجھے بہت عجیب لگا اور سمجھ نہیں آرہی کہ یہ کوئی روشنی ہے یا کوئی مافوق الفطرت چیز،آپ خود فیصلہ کریں۔‘ویڈیو میں دیکھا جاسکتا ہے کہ کوئی سفید چیز گراﺅنڈ زیرو پر اڑ رہی ہے۔اس پراسرار چیز کی تصاویر بھی ویڈیو کے ذریعے بنالی گئی ہیں۔ایک سروے میں اکثریت کا ماننا ہے کہ یہ روحیں ہیں جبکہ کچھ لوگوں کا کہنا ہے کہ وہ بھوت پر یقین رکھتے ہیں لیکن یہ کوئی بھوت نہیں۔تاہم دنیا میں ایک بار پھر ان حملوں پر بحث ہورہی ہے جس میں لگ بھگ تین ہزار افراد مارے گئے تھے۔