لاہور(نیوز ڈیسک)پاکستان کرکٹ بورڈ (پی سی بی )کے چیئرمین شہریار خان نے بنگلہ دیش سے میچ ہارنے پر قو می کرکٹٹیم کے احتساب کا اعلان کر دیا ہے ۔ چیئرمین پی سی بی شہریار خان نے قذافی سٹیڈیم میں پریس کانفرنس سے خطاب کرتے ہوئےکہا ہے کہ بنگلہ دیش سے میچ ہارنے پر ٹیم کا احتساب ہو گا ،ہم کپتان ، کوچ اورسلیکشن کمیٹی کا احتساب کرینگے ۔انہوں نے کہا کہ اب آگے بڑھنے کا وقت ہے ،ٹیم کے تمام شعبوں میں تبدیلی لائینگے ۔ شہریار خان نے کہا کہ قومی کرکٹ ٹیم کے استحکام کے لئے یونس خان اور مصباح الحق سے مشاورت کر رہے ہیں،فٹنس اور فیلڈنگ کے کمزور ہونے کے ذمہ دار وںکا تعین کیا جائے گا ۔انہوں نے کہا کہ کل کا میچ ہارنے پر انتہائی دکھ ہوا ،بنگلہ دیش سے میچ ہارنے پر بہت زیادہ تنقید ہوئی ،کھلاڑیوں کی کارکردگی کا احتساب ہو گا ۔