ڈھاکہ(نیوز ڈیسک)ٹی20ایشیاءکپ کے تیسرے میچ میں بنگلہ دیش نے متحدہ عرب امارات(یواے ای)کو51 رنز سے شکست دےدی ہے،134 رنز کے تعاقب میں یواے ای کی پوری ٹیم 17.4 اوورز میں 82 رنزپرآﺅٹ ہوگئی،محمدعثمان30رنزبناکرنمایاں رہے،بنگلہ دیش کی جانب سے محمدمیتھن نے47اورمحمداللہ نے36رنزکی ناقابل شکست اننگ کھیلی،محمداللہ کو36رنزکی اننگ اوردووکٹیں حاصل کرنے پرمین آف دی میچ کاایوارڈدیاگیا۔جمعہ کو کھیلے گئے میچ میںمتحدہ عرب امارات نے ٹاس جیت کر بنگلہ دیش کو بیٹنگ کی دعوت دی۔بنگلہ دیش کی جانب سے سرکار نے 21 رنز بنائے۔ ان کے علاوہ متھن نے 41 گیندوں میں چار چوکوں اور دو چھکوں کی مدد سے 47 رنز بنائے۔ ان کو روہن نے آو ¿ٹ کیا۔ محمد اللہ نے 27 گیندوں میں 36 رنز سکور کیے۔ان کے علاوہ کوئی کھلاڑی بھی جم کر بیٹنگ نہ کر سکا۔ متحدہ عرب امارات کی جانب سے نوید اور امجد جاوید نے دو دو وکٹیں حاصل کیں۔134 کے تعاقب میں متحدہ عرب امارات کی پوری ٹیم 17.4 اوورز میں 82 رنز بنا کر ڈھیر ہو گئی۔محمد عثمان نے 30 گیندوں میں 30 رنز بنائے۔ وہ ایک واحد بلے باز تھے جنھوں نے بنگلہ دیشی باﺅلرز کا مقابلہ کیا۔47کے مجموعے پریواے ای کے7بلے بازپویلین لوٹ گئے۔ روہن مصطفی18اورمحمدشہزاد نے 12رنزبنائے۔ یواے ای کے 8کھلاڑی ڈبل فگرمیں بھی داخل نہ ہوسکے۔بنگلہ دیش کی جانب سے مستفیض الرحمان،شکیب الحسن،محمداللہ اورمشرفی مرتضی نے دو،دوجبکہ تسکین احمداور الامین حسین نے ایک،ایک وکٹ حاصل کی۔محمداللہ کوآل راﺅنڈرپرفارمنس پرمین آف دی میچ کاایوارڈدیاگیا۔