لندن(نیوز ڈیسک )ملٹری چیفس نے متنبہ کیا ہے کہ اگر برطانیہ نے یورپی یونین سے علیحدگی اختیار کی تو اس سے آئی ایس کو مدد ملے گی اور یورپ میں داعش کے حملے بڑھ جائیں گے۔ ان کا کہنا ہے کہ برطانیہ دہشت گرد گروپ سے نمٹنے کے لئے مستحکم پوزیشن رکھتا ہے جس نے یورپ میں مزید حملوں کی دھمکیاں دی ہیں، یہ انتباہ رائل نیوی ،آرمی اور آر اے ایف کے 13 سابق سربراہان نے دیا ہے جس کو ڈاؤننگ سٹریٹ کی حمایت حاصل ہے ، یہ انتباہ ڈیوڈ کیمرون کے ریفرنڈم کی تاریخ کے اعلان کے چند روز بعد سامنے آیا۔ ڈیوڈ کیمرون نے یورپی یونین میں برطانوی رکنیت پر 23جون کو ریفرنڈم کرانے کا اعلان کیا ہے۔ ملٹری چیفس نے کہا کہ ہم آئندہ ریفرنڈم میں ایک خاص سوال کے حوالے سے تشویش کاشکار ہیں وہ یہ کہ آیا برطانیہ یورپی یونین کے اندر محفوظ رہے گا یا باہر ؟ جب ہم آج کی دنیا پر نظر دوڑاتے ہیں تو ہمیں صرف اس کا ایک جواب دکھائی دیتا ہے کہ انہوں نے داعش اور روسی جارحیت سمیت یورپ کو درپیش دیگر چیلنجز کو اجاگر کیا، ان کا کہنا ہے کہ کیا برطانیہ یورپی یونین کے اندر یا باہر رہتے ہوئے ان چیلنجز کا مقابلہ کرسکے گا تو ہمارے خیال میں یورپی یونین میں رہتے ہوئے وہ زیادہ محفوظ ہوگا اور ہم مستحکم ہیں اس خط پر ٹاپ ملٹری حکام نے دستخط کیے ہیں جن میں فیلڈ مارشل لارڈ برامل اور جنرل سرمائیکل روز شامل ہیں۔