لاہور (ویب ڈیسک)پاکستان کی قومی کرکٹ ٹیم بھارت کا دورہ کرے گی، قومی ٹیم کو ورلڈ ٹی 20 میں شرکت کے لیے ٹیم بھارت بھجوانے کی اجازت دیدی گئی۔ترجمان وزیر اعظم ہاو¿س کے مطابق حکومت نے پاکستان کرکٹ بورڈ کو ٹی 20 ورلڈ کپ میں ٹیم بھارت بھجوانے کی اجازت دیدی ہے۔ پاکستان کرکٹ بورڈ نے قومی ٹیم کی ورلڈ ٹی 20 میں شرکت حکومتی اجازت سے مشروط کی ہوئی تھی۔پاکستانی ٹیم بھارت کی سر زمین پر چھوٹے فارمیٹ کے بڑے مقابلے میں ان ایکشن ہو سکے گی۔ ٹی 20 ورلڈ کپ میں شاہد آفریدی کی کپتانی میں قومی ٹیم اپنا پہلا میچ 14 مارچ کو کھیلے گی۔یاد رہے کہ پاکستانی ٹیم 2009 میں سری لنکا کو شکست دے کر مختصر فارمیٹ کا عالمی چیمپئن بن چکا ہے۔