نئی دہلی(نیوزڈیسک) مشہور ریسلر دی گریٹ کھالی شدید زخمی، ہسپتال داخل،ڈبلیو ڈبلیو ای کے سابق ریسلر دی گریٹ کالی اتر اکھنڈ کے شہر ہلدوانی میں ایک کھیلوں کی تقریب کے دوران شدید زخمی ہو گئے ہیں۔ بھارتی میڈیا کے مطابق مطابق تاحال کھالی کے زخموں کی اصل نوعیت واضح نہیں ہوئی۔ تاہم ذرائع کے مطابق کھالی پر تین غیر ملکی فائٹرز نے اچانک کرسیوں اور گھونسوں کی بارش کرتے ہوئے انھیں چند لمحوں میں ڈھیر کر دیا۔واضح رہے کہ 44 سالہ پہلوان گولہ پر میں واقع اندرا گاندھی انٹرنیشل کرکٹ سٹیڈیم میں ہونے والے ریسلنگ شو میں شرکت کیلئے شریک تھے جب یہ واقع پیش آیا۔ کھالی کو فوری طور پر ہسپتال میں آئی سی یو میں داخل کرا دیا گیا ہے جہاں انھیں اگلے 24 گھنٹوں تک آبزرویشن میں رکھا جائے گا۔