ڈھاکہ(نیوز ڈیسک) پاکستان کرکٹ ٹیم سپر لیگ مکمل ہونے کے بعد ایشیا کپ ٹی 20 کھیلنے بنگلہ دیش پہنچ گئی ،ٹیم منیجر انتخاب عالم کاکہنا ہے کہ ٹیم جمعرات کو مکمل آرام اور جمعہ کو ٹرینگ کرے گی ۔ پاکستان کرکٹ ٹیم بدھ کے روز پاکستان سپر لیگ ختم ہونے کے بعد دبئی سے ڈھاکہ پہنچی جہاں پاکستانی ٹیم ایشیا کپ ٹی 20 میں شرکت کرے گی ۔ پاکستان کا پہلا میچ 27 فروری کو روایتی حریف بھارت سے ہوگا ۔ پاکستان کرکٹ ٹیم کے منیجر انتخاب عالم کاکہنا تھا کہ ٹیم کے کھلاڑی تھکے ہوئے ہیں اور آج جمعرات کو مکمل آرام دن دن ہوگا جبکہ جمعہ کو ٹیم بھرپور ٹریننگ کرے گی ۔ انہوں نے کہا کہ ٹیم کے باؤلنگ کوچ اظہر محمود نجی مصروفیت کے باعث ٹیم کے ساتھ نہیں آئے وہ نجی دورے پر برطانیہ گئے ہیں