کوئٹہ(نیوز ڈیسک)وزیر اعلیٰ بلوچستان نواب ثناءاللہ خان زہری قومی سلامتی کے مشیر لیفٹیننٹ جنرل ( ر ) ناصر خان جنجوعہ کمانڈر سدرن کمانڈ لیفٹیننٹ جنرل عامر ریاض صوبائی وزراءارکان اسمبلی بیو روکریسی نے منگل کی رات کو دبئی میں پاکستان سپر لیگ کا فائنل میچ دیکھا ۔ تفصیلات کے مطابق وزیر اعلیٰ بلوچستان اور دیگر اعلیٰ حکام نے منگل کی رات کو دبئی میں پاکستان سپرلیگ کا فائنل میچ دیکھا اور دونوں ٹیموں کی حوصلہ افزائی کی وزیر اعلیٰ بلوچستان کی خصوصی ہدایت پر پاکستان سپر لیگ کا فائنل میچ دیکھنے کیلئے ایوب سٹیڈیم میںبڑی سکرین لگائی گئی تھی ۔ اور لوگوںنے ایوب سٹیڈیم میں جوش و جذبے کے ساتھ میچ دیکھا کوئٹہ گلیڈی ایٹرز ٹیم جب رنز بناتی تھی تو سٹیڈیم میں موجود لوگ زبردست خوشی کا اظہار کرتے تھے پاکستان سپرلیگ کا فائنل میچ دیکھنے کیلئے لوگوں نے اپنے گھروںمیں اور ایوب سٹیڈیم میں دعوتوںکا اہتمام کیاتھا جو رات گئے تک جاری تھی میچ دیکھنے کیلئے خاص طورپر نوجوانوں اور خواتین نے پروگرام تربیت دیئے تھے اور میچ شروع ہونے سے پہلے ہی کوئٹہ شہر میں ٹریفک مکمل طورپر نہ ہونے کے برابر تھی ۔