واشنگٹن(نیوز ڈیسک) امریکی فضائیہ مئی 2016 میں 6 ایف۔15 جنگی طیاروں کو فن لینڈ کے ساتھ مشترکہ مشقوں میں حصہ لینے کے لئے بھیجے گی۔امریکی ٹی وی چینل سی این این نے فوجی ذرائع کے حوالے سے بتایا ہے کہ یہ مشقیں امریکا کی تجویز پر کی جائیں گی۔ اس سے پہلے بھی امریکا اور فن لینڈ نے کئی بار مشترکہ مشقیں کی تھیں لیکن پہلے ان میں ایف۔15 جنگی طیارے شامل نہیں تھے۔امریکی جنگی طیارے فضائی اڈے کواپیو پر تعینات ہوں گے جو روسی سرحد سے محض 160 کلومیٹر کے فاصلے پر واقع ہے۔واضح رہے کہ فن لینڈ نیٹو میں شامل نہیں ہے۔ روس کے ساتھ اس کی سرحد کی لمبائی 13 سو کلومیٹر ہے۔اس سے پہلے پینٹاگون نے “روسی جارحیت” کے خطرے کے پیش نظر یورپی اتحادیوں کی حمایت کے لئے مختص کی جانے والی رقم چار گنا کرنے کا مطالبہ کیا تھا۔